WAHEEHEE

Saturday, November 10, 2012

WAHEEHEE #004

COMIC SCRIPT: MALABO ANG MATA
Scene 1:
Si Leo ay isang babaerong malabo ang mata. Dahil nawalan siya ng trabaho kaya siya on the lookout kung anuman ang puwede niyang pagkakitaan. Eto na at nakita ang “WANTED BARBERO” sign ng isang barbershop.

OWNER: Eh ilang taon ba ang experience mo sa panggugupit?
LEO: Pag-gupit?
OWNER: Oo, maggupit ng buhok syempre.
LEO: Eh hindi ako marunong maggupit ng buhok.
OWNER: Ha? Hindi ka marunong? Eh anong aaplayan mo dito sa barber shop ko?
LEO: Eh sabi kasi dun sa sign sa labas…. wanted babaero!!!

Scene 2:
Bigo sa barber shop kaya naglakad ulit si Leo. At humantong siya sa isang garments factory na may sign na “WANTED MANANAHI” kaya agad siyang nagtanong sa guard.

GUARD: May experience po ba kayo sa pananahi?
LEO: Pananahi? Aba, hindi ako marunong manahi.
GUARD: (kamot ulo) Eh bakit kayo mag-aaply dito?
LEO: Ayan ang sign, tingnan mo… wanted manlalahi.

Scene 3:
Another kabiguan si Leo walked away with drooping shoulders. But lo and behold, he chanced upon another garments factory. This time it was a lady guard manning the door with a sign that says “WANTED MANLILILIP.”

GUARD: May actual test ho rito ang paglilip.
LEO: Paglilip?
GUARD: Paglilip, opo, yung pagtahi ng laylayan ng pantalon.
LEO: Naku, hindi ako marunong tumahi ng laylayan.
GUARD: Eh bakit kayo narito?
LEO: Ayan ang sign, basahin mo…. wanted maninilip.

Note: Kung kayo ay babaero at malabo ang mata, mas makabubuti pang magpunta na sa Optometrist at magpagawa ng salamin. Kesa naman tubuan pa kayo ng kuliti.

Saan daw ang biyahe ng bus na yan?

HURRICANE SANDY
Ito na ang pinakamalakas na bagyong tumama sa East Coast ng USA. Sa North Carolina nakatira ang mga kapatid ko at ang balita sa akin ay hindi lang bubong ang natanggal sa kanila kundi pati pintura ng bahay ay natanggal rin!!!

SIBLING RIVALRY
Nag-aaway ang 2 magkapatid…
INA: Para kayong aso’t pusa.
ANAK: Bakit po, dahil lagi kaming nag-aaway?
INA: Hindi. Kasi ikaw amoy pusa at siya naman amoy aso.

ANG KAWAWANG COUPLE
A childless couple talking…
WIFE: Sa palagay mo, sino sa mga pamangkin natin ang mag-aalaga sa atin pagtanda natin?
HUSBAND: Alin sa dalawa, yung autistic o kaya yung may bipolar.

PUWEDE?
Nakabili si Sydney ng malaking lupain. Matapos bakuran, nilagyan niya ng malaking sign na nagsasabing “SYDNEY LAND.”

WALA YUN?
Bisita ni Bob si James. Papuntang kusina si James nang may marinig siyang ungol.

JAMES: Ano yung umuungol?
BOB: ‘La yun.

Diretso ng lakad si James papuntang kusina. Sandali lang at tumtakbong pabalik.

JAMES: Pambihira ka, sabi mo wala yun eh kinagat tuloy ako!
BOB: Anong wala yun? Sabi ko LION.

0 Comments:

Post a Comment

Subscribe to Post Comments [Atom]



<< Home